Seno motuki sa mulo sa Uptown Village HOA

Konsiderahon sa komite sa public works ni Konsehal John Michael Seno ang Resolution No. 002- 2022 nga gipasaka sa Federation of Uptown Village Homeowners Association, Inc. (FUVHOA) nga nagpa-abot sa ilang mga mulo ug isyu sa mga homeowners sa uptown nga bahin sa syudad.

Lakip niini mao ang reklamo sa traffic light diha sa junction atubangan sa Bank of the Philippine Island (BPI) diin matag adlaw masinati ang kapiot nga dagan sa trapiko.

Dugang pa, gireklamo usab nila ang drainage canal sa Masterson Avenue nga giingong maoy kasagarang hinungdan sa pagbaha sa kadalanan panahon sa kusog nga ulan.

Ang mga subdivision nga nahisakop sa maong federasyon mao ang Bellevue Homes, Camella Homes, CDO Philamlife, Golden Glow Village, Golden Glow North 1, Golden Glow North2, Hillsborough Pointe, Morning Mist Village, Pueblo Golf Estates, San Agustin Valley Homes, The Coutyards, Vista Verde Village, Westwood Village, Xavier Estates ug Xavier Heights Subdivision.