Seno misuporta sa kamahinungdanon sa broadband connectivity

Paperless na ang atong pamaagi sa komunikasyon pinaagi sa internet connection.

Kini ang gipadayag ni Konsehal John Michael Seno, chairman sa komite sa Sports and Youth Development, agi’g reaksyon sa taho ni Konsehal Ian Mark Nacaya kabahin sa kamahinungdanon sa broadband connectivity sa dakbayan.

Gipasabot sa konsehal nga kun paspas ang internet connection mas maayo nga mag-paperless na kay kun mahinumduman ang papel ginama gikan sa mga kahoy ug kun paperless na dako kini nga tabang sa pagproteher sa kinaiyahan kun ang kagamhanan sa dakbayan mosagop niini nga connectivity.

Gani, atol sa iyang pagtambong sa miaging Philippine Business Education (PBEd) Summit gihingusgan nga sa lima ngadto sa napulo ka tuig gikan karon kinahanglan na ang tanan trabahante kabalo sa unsay anaa sa teknolohiya o digitalization na.

Niini, si Seno misuporta sa laraw kay nagdala kini og dakong tabang sa dakbayan alang sa daling aksyon sa mga komunikasyon.