Seno midayeg sa mga opisyal sa SK sa Bayanga

SI Konsehal John Michael Seno, chairman sa komite sa Sports and Youth Development, midayeg sa mga opisyal sa Sangguniang Kabataan (SK) sa barangay Bayanga ubos ni SK Chairman Mike Brian Nacalaban sa paghatag og maayong programa alang sa mga tinun-an sa barangay.

Mao kini ang gipahayag sa konsehal atol sa tigom sa iyang komite human gituki ang ilang 2022 annual budget.

Mapasalamaton si Seno nga lakip sa gipundohan sa barangay mao ang pag-apod apod og mga gamit sa pagtungha agig pangandam sa face to face (F2F) classes.

Malaumon si Seno nga ang balor P654,535 mil nga pundo makaabag sa pagpatuman sa ubang mga programa ug proyekto nga gihan-ay alang sa dugang kalamboan sa kabatan-onan sa barangay.