Seno, Daba misuporta sa sugyot students’ rights, welfare code

Paborableng girekomendar sa komite sa edukasyon ni Konsehal Suzette Magtajas-Daba ug komite sa sports and youth development ni Konsehal John Michael Seno ang pagpalabang sa sugyot ordinansa nga maghan-ay sa katungod sa mga tinun-an. Kini human nagtigom ang duha ka komite sa milabayng semana ug nakuha ang pag-uyon sa mga hintungdang ahensya sa gobyerno ug mga institusyon nga nalambigit sa pagpatuman sa katungod sa kabataan.

Ang maong sugyot balaodnon giduso ngadto sa komite sa pamalaod ni Konsehal Ian Mark Nacaya sa tinguha nga matun-an ug masukip sa agenda sa umaabot sesyon sa konseho.

Kini maghan-ay sa mga katungod ug kaayohan sa mga tinun-an kon Students’ Rights and Welfare (StRaW) dinhi sa dakbayan sa Cagayan de Oro.

Ang tigom sa komite gitambongan nila ni Konsehal Imee Moreno, Roger Abaday, Aga Suan, Bernie Esparcia ug Yvy Emano.