School building projects padayong gitrabaho
DUGANG kalamboan sa natad sa edukasyon ang gilantawng matagamtaman sa kabataan sa dakbayan sa Cagayan de Oro.
Kini human nadawat sa konseho ang taho ni District Engineer Ana Lee Manzano sa 1st District Engineering Office - Department of Public Works and Highways (DPWH) nga padayon karong gitrabaho ang mga proyekto ubos sa pundo sa ilang buhatan.
Lakip sa mga proyekto mao ang pagtukod sa duha ka andanang edifisyo nga adunay walo ka lawak saringan sa Upper Carmen Elementary School, Barangay Carmen ug upat ka andana nga adunay walo ka lawak saringan diha sa Kauswagan Central School, Barangay Kauswagan.
Niini, malaumon si Konsehal Suzette Magtajas-Daba, Chairman sa Komite sa Edukasyon, nga ang pagtukod og dugang mga edipisyo dinha sa mga tunghaan ug ang padayong pag-abag sa mga ahensya sa gobyerno dinha sa pagpatuman sa mga proyekto labina paghatag sa kahamugaway sa kabataan sa ilang pagtungha makatabang sa pagtunol og de kalidad nga edukasyon aron makab-ot ang dugang pang kaarangan sa katawhan sa dakbayan sa Cagayan de Oro.
Comments