SB1 sa Brgy 7 tukion sa komite sa brgy affairs

GILANTAW sa Konseho sa Barangay  7 ang mas seguro nga kaluwasan ug mamentinar ang kalinaw ug kahusay sa tanang mga lumulopyo sa ilang barangay.Kini human nadawat sa Konseho ubos ni Bise Mayor Rodriguez ang ilang Supplemental  Budget (SB) No. 1 nga mobalor og P389,000.00 aron mapatuman karong tuiga.

Ang maong pundo gamiton alang sa pagrehabilitar sa barangay tanod outpost aron masiguro ang  24/7 nga pagbantay sa dapit ug sa pagpalit sa duha (2) ka split type aircon alang sa ilang buhatan.

Dako ang paglaum sa Bise Mayor nga kining gipundohan nga mga programa ug proyekto sa Barangay 7 maghatag og dugang kalamboan sa ilang serbisyo ngadto sa tanang residente.Ang nahisgotang supplemental budget sa Barangay 7 tukion sa umaabot nga tigom sa komite sa barangay affairs ni Konsehal Alam Lim. (RNQuiblat/SP)