SB1 sa Brgy 15 konsiderahon sa Brgy Affairs

Konsiderahon sa Komite sa Barangay Affairs ni Konsehal Yan Lam Lim ang giduso nga ordinansa sa Barangay 15 diin nasukip ang ilang Supplemental Budget No. 1 (SB1) sa tuig 2023 nga adunay gibanabanang kinitaan ug galastuhon balor P19,300,000.00.

Tipik sa gihatagan og priodad sa maong gahin ang pagpalit sa duha (2) ka unit Tri-Cab, usa ka unit dumptruck, walo ka unit sa computer ug printer, upat ka unit split type aircon, duha ka set sa fiberglass alang sa ilang basketball goal, pagtukod sa Farmers Multi-Purpose Hall ug uban pang mga proyekto ug programa nga makahatag og kaarangan sa ilang katawhan.