SB1 sa Brgy 1 giuyonan sa Konseho

PABORABLENG giaprobahan sa Konseho sa syudad sa sesyon niadtong Lunes nga gidumala ni Bise Mayor Kikang Uy ang resolusyon nga nag-uli sa ordinansa sa Barangay 1 diin nasukip ang ilang Supplemental Budget No. 1 nga balor og P260 mil kapin.

Kini gamiton aron mapatuman ang dugang programa sa barangay.

Ang gisagop nga resolosyon miagi sa makuting pagtu-on ug deliberasyon sa mga hintundang komite sa konseho ug nasuta nga mahimo nang mapatuman sa labing dali nga panahon.

Ang resolusyon nga gipalabang sa konseho alang sa maong katuyuan gipaluyuhan sa Komite sa Barangay Affairs nga gidumala ni Konsehal John Michael Seno ug Komite sa Pamalaod ni Konsehal Ian Mark Nacaya.