Salcedo pabor imbestigahan mga straktura sa billboards dinhis syudad

PABOR si Konsehal Enrico Salcedo,chairman sa komite sa environment sa konseho nga imbistigahan o masuta kon wala bay nahimong kalapasan ang pipila ka billboards dinhi sa syudad.

Kini ang reaksyon sa konsehal sa special report ni Konsehal John Micheal Seno sa sesyon niadtong Lunes na gidumala ni bise mayor Kikang Uy mahitungod sa iyang nakita nga kalapasan sa pipila ka straktura sa billboards.

Gipasabot ni Salcedo nga natingala siya kay adunay mga straktura niini nga matawag nga illegal structure apan nataoran man elektrisidad hinungdan nga boot niyang masayran gikan sa Office of Building Official (OBO) nganong naisyohan kini sa building permits kay nataoran man og elektrisidad.

Niini, malaumon si Konsehal Salcedo nga maresolbar ang maong isyu og mahatagan sa igong pagtagad atol sa himoon pagtuki niini.