Salcedo motuki sa reklamo batok sa Canitoan Transport Coop mgmt

MAGTIGOM ugma sa alas 9:00 sa buntag diha sa hawanan sa konseho ang komite sa cooperative ni konsehal Enrico Salcedo.

Tukion sa maong tigom ang reklamo nga gipasaka batok sa tigdumala sa Canitoan Transport Cooperative mahitungod sa giingong pagsingil og management fee nga wala masayod ang mga sakop nga nagsugod na ang pagpangolekta.

Matod pa nga wala sila makakita sa passbook sa kooperatiba ug adunay uban nga ana-a nay passbook apan gibawi sa management ug wala gibalik hangtod sa kasamtangan.

Buot usab sa nanumbong nga mahisgutan ang uban pang isyu sa ilang kooperatiba batok sa mga nagdumala niini.

Gidapit sa komite pagtambong sa maong tigom sila si konsehal Roger Abaday; Teddy Sabuga-a Jr, acting city administrator; city legal officer Atty. Jose Sabanal; CDA Regional director Glenn Garcia, LTFRB regional director Aminoden Guro; Stevenson Galas, chairman sa CTC ug ang nagreklamo.