Salcedo misugyot paghatag og ganti sa makatudlo sa gawasnong suspetsado

HUGOT nga gisugyot ni Konsehal Enrico Salcedo, chairman sa komite sa Environment and Natural Resources, ang paghatag ganti alang niadtong makatudlo sa usa sa mga suspetsado sa pagluthang patay ni Dr. Raul Andutan nga nagpabiling gawasnon hangtod karong panahona.

Kini ang reaksyon sa konsehal sa special report ni Konsehal Edgar Cabanlas sa sesyon sa konseho niadtong Lunes nga gidumala ni Bise Mayor Kikang Uy.

Sumala ni Salcedo nga hayan mapadali ang pag-ila ug pagsikop sa maong suspetsado kon motanyag ang kagamhan og gasa alang makatudlo sa maong suspetsado nga miluthang patay sa nasampit nga doktor.

Niini malaumon ang konsehal nga sa maong pamaagi mataral sa hukmanan og manubag sa ilang salaod ang mga suspetsado aron mahatagan sa hustisya ang biktima.