Salcedo misugyot bisitahan ang ordinansa sa trapiko sa syudad

Hugot nga gisugyot ni konsehal Enrico Salcedo, chairman sa komite sa environment and natural resources sa konseho, nga bisitahon ang ordinansa sa trapiko sa syudad.

Kini agig reaksyon ni Salcedo sa special report ni konsehal Roger Abaday sa sesyon sa konseho niadtong Lunes nga gidumala ni bise mayor Kikang Uy kalabot sa gipatuman sa Roads and Traffic Administration.

Gitumbok ni Salcedo ang gipatuman sa RTA nga dili mahimong makalahos ang usa ka sakyanan pa demano sa intersection kon dili pa mosiga ang green light sa traffic light.

Matod ni Salcedo nga iyang naobserbahan diha sa Galaxy road sa barangay Gusa nga tungod sa gipatuman sa RTA naghoot na hinoon ang dagan sa trapiko sa dapit.

Gipasabot ni Salcedo nakamugna na hinoonog kaho-ot sa trapiko ang gipatuman sa RTA hinungdan iyang gisugyot nga mabisitahan ang ordinansa sa trapiko sa syudad.