Salcedo mipasabot Oro CCSP walay sagol sa bulok sa politika
WALA ko sukad makadungog nga gitangtang ang usa ka iskolar sa dakbayan tungod sa bulok sa politika.
Kini ang gipadayag ni Konsehal Eric Salcedo, chairman sa komite sa environment and natural resources, atol sa sesyon sa Konseho niadtong Lunes nga gidumala ni Bise Mayor Kikang Uy agig reaksyon sa special report ni Konsehal Lordan Suan.
Kini kalabot sa giingong usa ka kapitan nga nanghulga sa mga iskolar nga mahimo silang tangtangon kun dili botaran ang usa ka kandidato.
Matod ni Salcedo nga wala siya sukad makadungog nga adunay gitangtang tungod sa politika kay gani siya mismo ang nakasinati nga adunay iyang girekomendar nga gusto magpa iskolar apan nabalibaran.
Dugang niini, gidayeg sa konsehal ang City Scholarships Office (CSO) sa hingpit nga pagsunod ug pagtamod sa gisitar sa ordinansa nga mga kwalipikasyon sa mga iskolar sa syudad.
Niini, gipasalamatan ni Salcedo si Konsehal Suan tungod sa iyang pagdala sa maong isyo sa konseho.
![](https://static.wixstatic.com/media/e778ac_d909e10661af4a1a82b5ad876e22a355~mv2.jpg/v1/fill/w_980,h_653,al_c,q_85,usm_0.66_1.00_0.01,enc_auto/e778ac_d909e10661af4a1a82b5ad876e22a355~mv2.jpg)
Comments