Sacala mipahalipay sa malampusong Adlaw sa Pagatpat

HUGOT nga gipahalipayan ni Konsehal Kenneth Sacala, Chairman sa Komite sa Sports and Youth Development, ang malampusong  pagsaulog sa ika-64 nga Adlaw sa Pagatpat nga nagdala sa temang: “Ika 64 nga Hiniusang Paglawig sa pagka-Himugso sa Balangay Pagatpat.”

Matod sa konsehal nga diha sa mga kalihokan nga gihan-ay sa konseho pahaum sa maong kasaulogan nagpakita og panaghiusa sa tibook katilingban sa barangay. Gipasalamatan usab ni Sacala ang mga kabatan-onan ubos ni SK Chairman Zee Collantes sa pakigtambayayong sa mga kalihokan aron maangkon ang kalampusan.

Kusganong gipasalamat sa konsehal ang tanang opisyal sa konseho sa Barangay Pagatpat ubos ni Barangay Kapitan Gogoy Babaran sa kalampusan nga naangkon.