RSV Broadcasting naglaraw pag-operate dinhi’s syudad

KONSIDERAHON  atol sa tigom  sa  Komite sa Public Utilities karong buntag nga dumalahon ni Konsehal Romeo Calizo ang sulat ni Maria Luz Egdane Agsaluna, Station Manager sa RSV Broadcasting Network Incorporated.

Kini  mihangyo sa konseho ubos ni Bise Mayor Bebot Rodriguez pagpasagop og resolusyon  nga magpadayag sa walay pagsupak (interposing no objection) sa ilang laraw  pag-operate dinhi sa syudad.

Nasayran  nga usa kini sa ilang rekisitos sa pag-apply og business permit alang sa maong matang nga negosyo.

Gidapit  sa komite pagtambong  aron mapaminaw ang ilang opinyon  sila si City Administrator Atty. Roy Hilario Raagas, City Legal Officer Atty. Kenneth Tamala, Mr. Jason  Adaza, Business and Licensing Division Chief ug mga konsehal nga  membro sa komite.