Rodriguez misugyot giya alang sa operasyon sa bao-bao

DUGAY dugay na gyud kini nga problema ug gikinahanglan  nga mahatagan og tukmang aksyon sa hintundang komite sa konseho ang problema sa operasyon sa bao-bao sa syudad.

Kini ang gibutyag  ni Bise Mayor Bebot Rodriguez atol sa sesyon sa konseho niadtong Lunes human  si Konsehal James Judith, II mipresentar sa iyang special report  kabahin sa sugyot ordinansa nga maghatag og panugot sa mga bao-bao operators nga makabiyahe dinha sa national highway. Gipasabot sa Bise Mayor nga adunay Memorandum ang DILG sa pagdili niini apan ang LTO naghatag og panugot nga makasulod o makaagi sa national highway.

“Unsa ba gayud ang klaro sa pagpatuman sa ilang operasyon,” pangutana  ni  Bise Mayor Rodriguez

Niini, nanghinaut si Bise Mayor Rodriguez nga  matutokan sa Komite sa Public Utilities ubos ni Konsehal Romeo Calizo  ang maong isyu aron makakab-ot og  giya nga mahimong gabayan sa  mga operators  diha sa ilang  operasyon.