Rio Verde andam mosupply og binultong tubig sa COWD - Konsehal Nacaya

“ANDAM ang Rio Verde nga mosupply  og  binulto nga  tubig ngadto sa Cagayan de  Oro Water District  (COWD) sa presyo nga  P15 matag kubiko.”

Kini  ang gibutyag  ni  Konsehal  Ian Mark Q. Nacaya atol sa regular sesyon sa konseho  niadtong Lunes nga gidumala ni Bise Mayor Bebot Rodriguez.

Matod  sa konsehal nga  ang produksyon sa kompanya  adunay kapasidad nga  mosupply  og 100 milyones  ka litro matag adlaw.

Hinoon, gitataw  ni Konsehal Nacaya  nga sa kasamtangan, daghan man  mahimong makasuplay og tubig  sa syudad sama sa J Hydro, Cooperative Western, Mindanao Liberations of Cooperatives Lumbia, Q-PO ingon man ang  COBI nga maoy nagsupply sa COWD.

Subay niini, malaumon si Konsehal Nacaya  nga sa labing dali nga panahon mahatagan sa igong solusyon ang problema sa tubig sa syudad.