Reklamo batok telecom tower naresolbar na- Lao

SI Konsehal Teodulfo Lao Jr., chairman sa komite sa Public Utilities mibutyag nga kinahanglan mo subay ug tumanon sa mga telecom company ang gikinahanglang mga rekisitos alang sa ilang pagatukoron nga tower lakip na niini ang konsultasyon sa katawhan sa dapit.

Kini ang gipasabot ni Lao sa mga molopyo sa Zone-1, Buara, Barangay Bayabas, ning syudad human niini gireklamo ang pagtukod sa telecom tower nga giingong walay konsultasyon ug gikabalaka sa mga residente ang posibleng dili maayo nga epekto niini sa panglawas.

Hinoon gipasabot ni Mrs. Salvaña, usa sa nagrepresentar sa ilang dapit nga wala mahinayon ang pagtukod sa maong telecom tower tungod sa ilang petisyon nga gihimo.

Nunot niini gipahimangnoan ni Konsehal Bong Lao ang mga molopyo nga mopahibalo ug magsulat gilayon sa komite aron masuta kun kini nahisubay ba sa mga gabayan nga gipatuman sa gobyerno.