Reklamo batok kapitan sa Macasandig konsiderahon sa komite sa blue ribbon

GIPAABOT konsiderahon sa komite sa ethics and blue ribbon ni Konsehal Edgar Cabanlas ang reklamong gipasaka batok sa kapitan sa barangay Macasandig.

Sa reklamo ni John Joseph Totten giingon nga ang kapitan uban sa barangay administrator, barangay secretary nakalapas sa probisyon sa Local Government Code, Data Privacy Act ug racism.

Giingon nga ang maong mga opisyal sa barangay napakyas pag-isyu og Certificate to File Action taliwala nga walay kasabutan nga nahimo tali kaniya ug sa iyang gisumbong.

Dugang pa gipamatud-an ni Totten nga ang maong kapitan nagpakita sa iyang pagdapig sa usa sa mga molopyo sa barangay ug nagpihig kaniya pinaagi sa pag-ingon nga mopauli sa kaugalingong nasud tungod kay wala kini mahisakop dinhi.

Siya malaumon nga mahatagan sa konseho sa tukmang aksyon ang iyang reklamo.