Reklamo batok Kapitan, mga kauban gibasura

GIBASURA sa Komite sa ethics and blue ribbon sa konseho sa tigom niadtong Huwebes nga gidumala ni Konsehal Jose Pepe Abbu, Jr. ang reklamong gipasaka ni Siegfred Padua nga taga Capistrano –Luna Streets ning syudad batok kang Punong Barangay Josephine Bagongon ug ubang opisyal sa Barangay Mambuaya.

Kini human ang komite nakadawat sa “motion to withdraw” nga notaryado gikan ni Padua sa rason nga dili na siya interesado nga ipadayon pa ang iyang reklamo batok sa nahisgotang barangay officials.

Nunot niini, si Konsehal Abbu kinsa vice chairman sa komite mi-sagop sa maong motion ug hingpit nga gibasura ang maong reklamo.

Ang maong tigom gitambungan usab ni Konsehal Roger Abaday og Konsehal Agapito Eriberto G. Suan Suan. (JRGalano/SP/Photo grabbed from Councilor Abbu’s Official FB page)