Rehabilitasyon gikinahanglan pagpalambo sa serbisyo sa panubig

NAGKINAHANGLAN og dako nga gahin alang sa himoong rehabilitasyon sa mga linya sa tubig sa Cagayan de Oro Water district (COWD) aron masulbad ang problema sa supply sa tubig sa syudad.

Kini ang gibutyag ni Konsehal Teodulfo Lao Jr., chairman sa komite sa public utilities, atol sa sesyon sa konseho niadtong Lunes nga gidumala ni Bise Mayor Kikang Uyhuman si Konsehal Zaldy Ocon mitaho sa dakong suliran sa katawhan sa panubig.

Matod ni Lao nga ang rehabilitasyon ang rekomendasyon sa mga experto sa COWD.

Gani, misulay pag-apply og loan sa Local Water Utilities Administration (LWUA) ingon man sa Land Bank ug DBP ang Water District apan hangtod ning mga panahuna wala pa na-aprobahan.

Apan tungod sa tinguha nga matabangan sa kagamhanang local ang COWD nag-alokarog P500 milyones ang syudad alang sa maong katuyu-an apan subo kay hangtod karonang mga kadagkuan sa Cagayan de Oro Water District wala pa maka sumete sa ilangpriority programs.

Dugang pa ni Lao nga sa tinguha nga mapaga-an ang balayronon sa mga konsumedor sa COWD, ang konseho sa syudad mihimo og mga pama-agi pinaagi sa pag-imbitar og mga investor o bag-ong supplier sa panubig.

Gani, gipasalamatan nato ang Metro Cooperative Association Federation nga nagsugod pag-supply sa tubig sa barangay Bayanga, Dansolihon, Mambuaya ug Lumbia.

Niini, si Lao namahayag nga gi-welcome sa syudad ang mga bag-ong gustong mo-supply sa tubig.