Proteksyon sa katawhan gikinahanglan-Konsehal Nacaya

“KAAKOHAN sa mga pinili nga opisayales ang paghatag og proteksyon sa katawhan.”

Kini ang pamahayag ni Konsehal Ian Mark Nacaya atol sa gipahigayon nga special session sa konseho kagahapong adlawa nga gidomala ni Bise Mayor Bebot Rodriguez

Gihimo sa Konsehal ang maong pamahayag basi sa hulga sa Cagayan de Oro Bulk Water Inc, (COBI) sa pagputol sa supply sa tubig ngadto sa Cagayan de Oro Water District human ang COWD napakyas pagbayad sa ilang balayronon ngadto sa COBI nga mokabat sa kapin sa P400 milyones.

Gipasabot sa konsehal nga gikinahanglan ang dali nga aksyon aron maprotektahan ang katawhan sa higayon nga mawala ang supply sa tubig.