Programang gipasiugdahan sa kagamhanan alang sa mga IsDa nagmalampuson

Programang gipasiugdahan sa kagamhanan alang sa mga IsDa nagmalampuson

SI Konsehal Suzette Magtajas-Daba, chairman sa komite sa Edukasyon hugot nga mipasalamat sa kalamposan sa gipahigayong “Magnify 2.0: Discovering Excellence in the New Normal,” usa ka programa sa kagamhanan alang sa mga Iskolar sa Dakbayan kon (IsDa).

Ang maong programa usa ka webinar series nga gipasiugdahan sa buhatan sa CdO City Scholarships nga naglakip sa pipila ka episode nga gilangkuban sa Adapting to Blended Learning, Styles and Effective Study Habits, Self-Care Beyond the Classroom ug Developing Social Skills.

Tumong niini nga maabagan sila paghiangay sa ilang pagtungha ning panahon sa pandemya aron usab sila magiyahan sa mga teknik sa pagtoon labina nga anaa kita sa new normal nga sitwasyon sa natad sa edukasyon tungod sa pandemya.

Sa iyang bahin gipaabot ni Konsehal Suzette ang iyang dakong pasalamat sa mga keynote speakers sa ilang paghatag og panahon aron mapasabot sa Isda ang mga nakahan-ay’ng episode.

Nasayran ang maong mga keynote speakers gilangkoban nila ni Nicole Tacandong, Mariel Abinsay, Keisha Bagares ug Rechelle Ann Tolinero-Barraquias.

Nunot niini, mipasalamat si Konsehal Suzette sa tanang IsDa sa pagsalmot sa maong webinar nga gitanyag sa kagamhanan alang kanila.