Programa, proyekto sa Macabalan aprobado na sa Konseho

HINGPIT nang mapatuman sa Barangay Macabalan ang ilang mga programa ug proyekto karong tugia nga gipunduhan sa ilang 2025 Annual Budget.Kini human ang Konseho sa sesyon  kagahapon nga gidumala ni Presiding Officer Pro Tempore Councilor Romeo Calizo misagop og resolusyon nga nag-uli sa ordinansa sa maong barangay nga may kalabutan sa ilang  2025 Annual Budget  nga mokabat sa P26,193,854.

Lakip sa gipundohan sa barangay ang pagpahigayon og training kalabot sa disaster preparedness nga  mokabat sa P150 mil, pagpalit og mga supplies ug materyales nga magamit panahon sa kalamidad  nga mokabat sa P266,785 mil ug pagpalit og mga medisina ug relief goods balor P500 mil.

Migahin usab ang barangay og pundo alang sa disaster management nga mokabat sa P1,309,693; P12,946,417 alang sa maintenance and operating expenses ug P4,511,103 alang ilang personal services.  

Ang resolusyon nga gisagop sa Konseho alang sa maong katuyuan gipaluyohan sa komite sa barangay affairs ni Konsehal Yan Lam Lim ug komite sa pamalaod ug reglamento ubos ni Konsehal Edgar Cabanlas. (JRGalano/SP)