Programa, proyekto sa Brgy. 14 mapatuman na

MAHIMONG nang mapatuman sa Barangay 14 ning syudad ang ilang mga programa ug proyekto karong tuiga.

Kini human ang konseho sa sesyon niadtong Lunes nga gidumala ni Konsehal Edna Marban Dahino mipalabang og resolusyon nga nag-uli sa ordinansa sa maong barangay nga may kalabutan sa ilang Annual Budget nga adunay gibana-banang kinitaan ug galastohon balor P3,399,459 alang sa hingpit nga implementasyon.

Lakip sa gigahinan sa barangay ang 5 porsyentong calamity fund, 10 porsyentong sa Sangguniang Kabataan alang sa Youth Development Program ug 20 porsyentong development fund.

Si Konsehal Yan Lam Lim, chairman sa komite sa Barangay Affairs mibutyag nga iyang gisuportahan ang maong lakang tungod kay makahatag kini og katumanan sa nakahan- ay’ng programa og proyekto sa barangay alang sa dugang kaarangan sa ilang dapit .

Ang resolusyon nga gisagop sa konseho alang sa maong katuyoan gipaluyohan usab sa komite sa Barangay Affairs ni Konsehal Lim ug sa komite sa pamalaod ug reglamento ubos ni Konsehal Ian Mark Nacaya.