Problema sa dulona sa Brgy. 24 ug Brgy. 27 tukion sa Komite sa Arbitration

TUKION sa Komite sa Arbitration ni Konsehal James Judith ang problema sa dulona tali sa Barangay 24 ug Barangay 27 ning syudad.

Malaumon si Konsehal Judith nga magkauyon ug magkasinabot ang opisyales sa duha ka nagkabanging  barangay aron makab-ot ang tukmang solusyon sa maong problema.

Nunot niini gitakdang dapiton sa komite atol sa tigom aron sa paghatag sa ilang panahom sila si Punong Barangay Milagros Florendo sa Barangay 24 ug Punong Barangay Ricardo Mabulay sa Barangay 27.

Gidapit usab sa komite sila si City Administrator Roy Raagas, Konsehal Yan Lam Lim sa Liga ng mga Barangay, City Legal Officer Atty. Kenneth Tamala, City Assessor Atinodoro Asequia, Head ug Ms. Chedilyn Dulguime, City Planning Development Coordinator.