Problema sa doluna sa Brgy. Bugo, Mambatangan, Bukidnon giaksyonan

GIHATAGAN pagtagad sa Komite sa Arbitration ni Konsehal James Judith ang problema sa doluna tali sa Barangay Bugo ug sa Mambatangan, Manolo Fortich, Bukidnon.

Sa milabayng tigom sa komite, dako ang pagtuo sa Konseho sa Bugo ubos ni Kapitan Spencer Cailing nga nahisakop ang maong dapit sa ilang barangay subay sa dokumento ug manifesto sa City Planning and Development Office (CPDO) ug sa Certificate of Registration nga gi-isyu sa Department of Labor and Employment (DOLE) niadtong March 27, 2023.

Sumala sa konsehal nga sa pagkakaron dili pa matubag sa insakto  ang maong isyu sa duha ka mga barangay ug kinahanglan pa niini ang relocation survey ug physical inspection sa dapit.

Niini, gisugyot ni Konsehal Judith nga mopahigayon ug ocular inspection sa dapit karong Marso 5 ug 8 ning tuig uban ang mga hingtungdang ahensya sa gobyerno aron masulbad ang maong problema sa doluna.