Problema sa doluna nasolusyonan

NAUYONAN na sa Barangay Macabalan ug Puntod ang ilang mga doluna.

Kini human nagtigom ang Komite sa Arbitration ni Konsehal James K. Judith II ug nakuha ang pamahayag gikan sa representante sa rehiyonal nga buhatan sa Department of Environment and Natural Resources (DENR-10).

Matod pa nga subay sa mapa, ang mga dapit sa Mulmac, CILRAI ug police station precinct 5 nahisakop sa Barangay Macabalan.

Dugang gibasihan mao ang Ordinance No. 9050-2004 sa syudad nga naglatid sa doluna sa Barangay Macabalan ug Ordinance No. 9049-2004 nga naglatid sa doluna sa Barangay Puntod.

Ang nahisgotang tigom gitambongan nila ni Atty. Gil Banaag, manlalaban sa Macabalan, Kapitan Norbel Saa, Kapitan Rexie Tinampay, mga representante sa buhatan sa City Administrator, City Legal, City Assessor, City Planning and Development ug rehional nga buhatan sa DENR-10.