Pre-trial conference sa kaso batokkapitan sa Brgy 31 gitakda sa Okt 6

GITAKDA sa umaabot Oktubre 6, 2022 ang pre-trial conference sa kaso nga gipasaka dinha sa komite sa ethics and blue ribbon ni Konsehal Edgar Cabanlas batok sa kapitan sa Barangay No. 31.

Kini human ang komite, sa milabayng tigom, mipahigayon sa preliminary hearing sa BR Case No. 09-2022 nga naglangkob sa reklamong gipasaka nila ni kagawad Lee Nellas, Rogelio Waniwan ug Flordeliz Java batok ni kapitan Diosdado Wabe human mihimo og mga ghost activity nga naglakip sa paggamit og pundo sa barangay.

Mahinumduman nga ang mga nanumbong mihangyo sa komite nga mapahigayon ang special audit sa panudlanan sa barangay aron matino ang giingong hiwing binuhatan.

Ang milabayng tigom sa komite gitambongan nila ni Konsehal Cabanlas, Jose Pepe Abbu Jr., Roger Abaday ug Yvy Emano.