Prayoridad sa food security gihingusgan

GIBATI og dakong kahingawa si Konsehal George Goking, Chairman sa Komite sa Trade and Commerce, sa kasamok nga nahitabo sa nasud sa Israel ug Palestine ug ang posibleng epekto sa ekonomiya.

Matod niya nga ang kahimtang sa duha ka nasud makaapekto sa presyo sa lana ug makahatag sa domino effect sa mga palaliton dinhi sa nasud.

Mahinumduman nga ang presyo sa bugas hilabihan na ang pagsaka ug gani bisan ang presidente sa nasud mihimo sa gikinahanglang lakang aron makontrolar ang padayong pagsaka pinaagi sa paghatag og subsidy ngadto sa mga rice retailers.

Niini, siya misugyot nga unta hatagan sa unang pagtagad sa lokal ug nasudnong kagamhanan ang seguridad sa pagkaon o’ food security alang sa katawhan. Siya nanawagan usab sa katawhan sa pagdaginot sa ilang mga rekurso aron makalahutay sa mga umaabot pang panahon.