Pipila ka molopyo sa syudad nakadawat og ayuda gikan ni konsehal Salcedo

AGIG tubag sa singgit sa katawhan tungod sa kugutom nga ilang nabati niing panahon sa pandemya, si Konsehal Enrico Salcedo, chairman sa komite sa Environment and Natural Resources sa konseho nag-apod apod og hinabang ngadto sa pipila ka Kagay-anon sa miaging adlaw.

Matod sa konsehal nga iya kining gihimo tungod iyang nabati ang singgit sa katawhan nga nag-antos sa kalisod ning panahona nga diin daghan ang temporaryong nahunong sa ilang pagpanarbaho human nga gipailawom sa Enhanced Community Quarantine ang syudad.

Hinoon nangayo og pasaylo si Konsehal Salcedo tungod kay dili gayud tanan ang natunolan sa ayuda apan maningkamot siya nga bisan sa ginagmay kinasing kasing kining makatunol og ayuda sa uban pang katawhan.

Daghang salamat sa inyong pagsabot, mag amping kita kanunay para malikay sa Covid 19 mga igsoon.