Pascual suportado ang art exhibit dihas City Museum

HUGOT nga midayeg ug misuporta si Konsehal Jay R. Pascual, Chairman sa Komite sa Turismo, ang pagpahigayon sa art exhibit diha sa City Museum.

Si Konsehal Pascual maoy nag-represent ni Mayor Klarex Uy atol sa paglunsad sa maong event nga gitawag og Heritage Reimagined: Translating our past to the Future art exhibit.

Tumong sa exhibit nga maipasundayag ang kamahinungdanon sa mga artifacts sa kasaysayan gikan sa karaang panahon ug kon giunsa kini nakaimpluwensya sa mga artist karon.

Konsehal Pascual nagpasalamat sa paningkamot sa kagamhanan sa syudad pinaagi sa City Museum and Heritage Studies Center ubos ni overseer John Asuncion, sa Department of Trade and Industry ug Kagay-an Misamis Creatives Council sa malamposon nga kalihokan ingon man sa paghatag ug gibug-aton sa kamahinungdanon sa pagpreserbar sa lain-laing yugto sa panahon ug kultura.