Pascual naglaum mapalambo programa sa agrikultura

NAGTOO si Konsehal Jay Roa Pascual, chairman sa komite sa agriculture, nga mapalambo pa ang programa sa natad sa agrikultura sa nasud kun pangunayan og hupot ni President-elect Bongbong Marcos ang departamento.

Kini ang pamahayag ni Pascual atol sa ilang sinemanang programa sa radyo.

Sumala pa nga mapundohan og insakto ang departamento ug matutokan aron daling mapangitaan sa solosyon ang mga mulo sa mga mag-uuma.

Naglaum ug kampante usab si Pascual nga sa tinguha ug plano sa umaabot nga president makunhuran gayud ang presyo matag kilo sa bugas sa tibouk nasud ug mapa-usbong ang ekonomiya.

Niini, nanawagan si Pascual sa tanang sector sa katilingban nga tabangan ug suportahan ang mga maayong programa ug proyekto sa bag-ong administrasyon ilabina nga naka sentro ang mga programa alang sa kaugmaran sa tanan. (SP/MLRapanot)Daba miawhag sa katawhan magmatngon sa sakit nga dengue HUGOT nga nanawagan si Konsehal Reuben Daba, chairman sa komite sa ethics, sa katawhan sa syudad nga magmabinantayon sa sakit nga dengue nga dala sa lamok.

Kini human namatikdan sa konsehal nga adunay pipila ka kaso sa sakit nga dengue ang nalista dinhi sa syudad.

Gipasabot sa konsehal nga ang dengue makamatay sama sa Covid 19 hinungdan nga kinahanglan nga maglimpyo kanunay sa palibot ug tagsa tagsa ka nataran ilabina ang mga dapit nga posibleng itlogan sa mga lamok.

Limpyohan nato ang atong palibot aron malikayan nga matakbuyan sa dengue ang atong pamilya ilabina ang atong kabataan, panawagan ni Konsehal Daba. (SP/JRGalano)