Pascual mipasalamat sa tanang miduyog sa grand launching sa Higalaay Festival 2024

Si Konsehal Jay Roa Pascual, Chairman sa Komite sa Turismo, kusganong nagpasalamat sa tanan nga miduyog sa grand launching sa Higalaay Festival 2024 niadtong Agosto 2, diha sa Rio De Oro Boulevard, ning syudad.

Kini usa lamang sa daghang mga programa nga nakalinya sa tibook buwan sa Agosto agig pagsaulog  sa kapistahan sa dakbayan sa Cagayan de Oro.

Matod sa konsehal nga dako ang iyang kalipay kay daghan kaayo ang misalmot sa pagbukas sa Higalaay Festival ug nahimong engrande ang maong paglusad, ug puno sa kasadya.

Usa ka halandumon ug makapadasig nga selebrasyon alang sa tanan nga mitambong ug ipadayon nato ang pagpakaylap sa gugma ug kalinaw sa pagsaulog sa kapistahan sa syudad, sumpay ni Pascual.