Pascual mipahalipay sa tanang mananaug sa Mr. Cagayan de Oro 2024

SI Konsehal Jay Roa Pascual, Chairman sa Komite sa Turismo, mainitong mipahalipay sa tanang mananaug sa gipahigayong Mister Cagayan de Oro 2024 niadtong Agosto 18 ning tuig diha sa Limketkai Mall Atrium.

Matod sa konsehal nga usa kini sa mga major events nga nakahan-ay pahaom sa kasaulogan sa Higalaay Festival ug naghatag sa kahigayonan sa mga kwalipikadong Kagay-anong kalalakin-an nga mapasundayag ang ilang kaambongan ug mga talento.

Si Warren Villanueva sa Barangay Carmen ang migawas nga mananaog ug nasungkit niya ang pasidungog isip Mister Cagayan de Oro 2024.

Samtang si Mark Vincent Sampuang sa Barangay Puerto ang Mister Cagayan de Oro Asia Pacific; Vladimir Jamora Molawan, III sa Barangay Macasandig ang Mister Cagayan de Oro Tourism; Sean Christopher Arnaiz sa Barangay Canitoan ang Mister Cagayan de Oro Man of the Globe ug si Vanrazel Dumaging sa Barangay Kauswagan ang Mister Cagayan de Oro Maharlika.