Pascual mipahalipay sa tanang mananaog sa Fiesta sa Baryo

Si Konsehal Jay Roa Pascual, chairman sa Komite sa Turismo, hugot nga mipahalipay sa tanang mananaog sa 1st Mayor Rolando ‘Klarex’ Uy Fiesta sa Baryo nga gipahigayon niadtong Agosto 22 diha sa Misamis Oriental Integrated Sports Complex.

Ang kalihokan usa sa mga core events sa Higalaay Festival 2023 nga tumong ang pagdasig sa mga Kagay-anon nga makiglambigit sa mga larong Pinoy.

Niini, ang mga mananaog gikan sa lain laing barangay nakadawat og cash prize ug trophy. Migulang over-all champion sa kalihokan mao ang Barangay Bayabas, gisundan sa Barangay Tuburan (2nd place), Barangay Balulang (3rd place), Barangay Tablon (4th place) ug Barangay Tignapoloan (5th place)

Gipahalipayan usab ni Pascual ang mga mananaog sa special awards nga nakadawat og tag - P25 mil nga cash award nga gilangkoban sa Barangay 26 (Best Chant) ug Barangay Consolacion (Best in Boodle Set-up).

Sa larong Pinoy, nakuha sa Tumpagon ang dulang patintero, Bayabas (sack race ug high heel relay), Tignapoloan (karang-karang with a twist), Balubal (tug of war), Puntod (flour game relay), Nazareth (palo sebo) ug Barangay 12 (shatom).

Samtang ang Dansolihon, Tuburan, Canitoan, Tignapoloan ug Pigsag-an ang nakadaog sa dulang Dodgeball ug Barangay 9, 32, 36, Balulang, Besigan, Lumbia, Puntod ang nakadaug sa dulang dakop biik.

Niini, si Pascual kusganong mipasalamat ni Mayor Klarex Uy ug mga opisyal sa tanang barangay sa ilang pag-abag aron makab-ot ang tinuod nga kasadya sa pagsaulog sa pista pinaagi sa pagdumdom sa mga tradisyonal nga dula.