Pascual midapit sa tanan pag-apil sa Higalaay Festival 2024

Si Konsehal Jay Roa Pascual, Chairman sa Komite sa Turismo, mipahibalo nga ang grand launching sa Higalaay Festival 2024 pagahimoom karong Agosto 2, ning tuig diha sa Rio De Oro Boulevard, ning syudad.

Ang pagpahibalo gihimo sa konsehal atol sa programang “Inyong Konseho Karon”.

Matod sa konsehal nga sama sa naandan, ang maong Higalaay Festival molungtad hangtod sa katapusan sa Agosto, agig pagsaulog sa kapistahan ni Sr. San Agustin, ang patron sa dakbayan sa Cagayan de Oro.

Diha sa maong selebrasyon, mapakita ang kultura ug kabilin sa dakbayan.

Niini, si Pascual midapit sa tanan nga makigselebrar pinaagi sa pag-apil o pagtan-aw sa mga nakahan-ay nga mga kalihokan sa Higalaay Festival 2024 sama sa Agro fair ug garden show, 2nd Kagay-an international dragon boat, fiesta race, fiesta sa Barrio, invitational volleyball game, 13th Mindanao fashion summit, Miss Cagayan de Oro, Kagay-an festival marathon, Higalaay pyro musical fireworks, DepEd Rhythmic field demonstration, Higalaay Street Dancing, Higalaay Civic military parade ug float competition, religious ug fluvial procession ug uban pang mga major ug minor events nga makahatag dugang kabibo sa kapistahan.

Naglaum ang konsehal sa bibo, hapsay ug malinawon nga pagsaulog sa kapistahan sa syudad.