Pascual miagni sa kadalagahan pagsalmot sa Ms CdO screening

NANGSINGABOT na ang kapistahan sa dakbayan sa Cagayan de Oro ug usa sa mga nakahan-ay nga kalihokan mao ang Search for Miss Cagayan de Oro 2024.  

Nasayran nga ipahigayon ang screening alang sa ika-59th Search for Miss Cagayan de Oro sa umaabot Sabado, Mayo 18 ning tuig, gikan alas 10 sa buntag hangtod sa alas singko sa hapon, diha sa Rosario Pavilion, Limketkai Center, ning syudad.

Subay niini, si Konsehal Jay R. Pascual, Chairman sa Komite sa Turismo, kusganong miagni sa mga kwalipikadong batan-ong kababaenhan ug nangandoy mamahimong beauty queen sa pagsalmot sa maong screening.

Alang sa dugang detalye, giawhag ang mga interesado sa pagbisita sa Miss Cagayan de Oro FB page o motawag sa 09174057083.