Pascual, Abaday motuki sa giingong padayong pag-quarry sa CDO

TUKION, in aid of legislation, atol sa tigom ugmang adlawa sa komite sa turismo ni Konsehal Jay Pascual ug environment ni Konsehal Roger Abaday, ang giingong pag-quarry diha sa Cagayan de Oro River, segun sa gi-post sa facebook account ni Chisum Christopher Factura sa Kagay Outdoors WhiteWater Rafting Adventure niadtong Oktubre 4, 2022.

Sa maong post, giingon nga hinay hinay nga gidaut ug giusab sa quarrying operators ang dagan sa suba ug upat sa maong mga quarry operations, tulo sa mga operator naggikan sa Cagayan de Oro.

Niini, gidapit ni Pascual pagtambong sa tigom aron paghatag sa ilang panahum ug opinyon sila si Konsehal Malvern Espacia, City Administrator Roy Raagas, City Tourism and Cultural Affairs officer in charge Chedilyn Aissa Dulguime, CLENRO Officer Engr. Armen Cuenca, MGB –DENR X regional director Felizardo Gacad Jr. ug mga operator sa water rafting.

Ang tigom gipaabot tambongan nila ni Suzette Magtajas-Daba, Girlie Balaba, Imee Moreno, Yan Lam Lim, John Michael Seno, Maria Lourdes Gaane, ug Romeo Calizo.