Panagtambayayong sa pagpatuman sa RISE aprobado sa Konseho

DUGANG malahutayong kalamboan sa natad sa edukasyon ang gipaabot nga matagamtaman sa kabatan-onan dinhi sa Dakbayan sa Cagayan de Oro.

Kini human ang Konseho sa Syudad atol sa regular sesyon sa Lunes nga gidumala ni City Vice Mayor Bebot Rodriguez mipalabang og managlahing ordinansa nga naghatag katungod ni City Mayor Klarex Uy pagpirma sa Memorandum of Agreement (MOA) tali sa Monark Foundation, Inc. (TVI), nga girepresentahan ni Mr. Jose Antonio T. Banson ug sa J. Arts and Skills Academy and Assessment Center, Inc. (TVI), nga giprepresentaran ni  School Administrator, Ms. Jeaneth Laluna Cuares.

Kini naglangkob sa panagtambayayong sa pagpatuman sa Relevant Industry Skills for Employment (RISE) Scholarship Program sa syudad.

Subay usab kini sa Safety, Security, and Human Development component sa RISE agenda sa kagamhanan diin ang edukasyon gihatagan sa igong pagtagad.

Tinguha sa maong kasabotan nga mahatagan ang mga kwalipikado nga residente sa dakbayan og technical vocational training nga molungtad sa paghatag sa National Certificates (NC I ug NC II) nga makapahimo kanila nga kabahin sa malungtarong kalamboan. (RNQuiblat/SP)