Pamilyang apektado sa Covid 19 sa Pagatpat nakadawat og ayuda ni konsehal Lim

WALAY puas ang pagpahanghatag ni Konsehal Yan Lam Lim sa hinabang ngadto sa mga pamilya kansang sakop niini naigo sa Covid 19.

Nasayran nga kagahapon, subay sa hangyo ni Kapitan Roel Gabo sa Barangay Pagatpat nag apod-apod ang konsehal og mga food packs ngadto sa mga pamilya nga apektado sa Covid 19 uban sa presensya sa mga opisyales.

Kini sa tinguha nga maminusan ang kalisod nga ilang nasinati niining panahon sa pandemya labina nga daghan karon ang nawad-an sa panginabuhian.

Gipasabot ni Konsehal Lim, kinsa chairman sa komite sa barangay affairs nga magpadayon ang iyang pagtabang sa katawhan ug dili siya mahunong sa pag-alagad sa tanan.