Palengke QR gioyunan sa Komite sa Trade

Hayan  mapatuman na ang sugyot ordinansa nga nagdasig sa tanang business establishments ug local transportations  sa syudad  pagsagop sa QR PH Digital Payments alayon sa Palengke-QR Ph Plus Program  isip option o kapilian sa katawhan  diha sa ilang pagbayad.

Kini human giuyonan sa Komite sa Trade and Commerce atol sa tigom niadtong Martes  nga gidumala ni Konsehal George Goking  ang maong sugyot ordinansa.

Sumala sa taga Department of Trade and Industry (DTI) nga suportado  nila  ang digital transformation sama sa pagpatuman sa  maong Palengke QR  Code  gawas nga  anaa na kita sa digital nga kapanahonan.

Gani, ang City Legal Office pabor sa maong lakang  ug mirekomendar lang og  ginagmay nga kabag-ohan sa termino aron mahimo kining mahigalaon ug masabtan sa tanan .

Niini, giduso ni Konsehal Goking ang maong sugyot ordinansa ngadto sa Komite sa Palamalaod ug Reglamento ubos ni Konsehal Edgar Cabanlas alang sa dugang askyon  ug rekomendasyon ug sa pagsukip niini sa  agenda sa umaabot nga sesyon sa Konseho.