Pagtukod sa Pet Clinic gisuportahan ni Nacaya

HUGOT   nga  gisuportahan  ni Konsehal Ian Mark Nacaya, chairman sa komite sa research and planning  ang pag-establisar sa  kaugalingong pet clinic sa dakbayan.

Sa sesyon sa Konseho  niadtong Lunes nga gidumala ni  Bise Mayor Bebot Rodriguez, nakisayod  ang konsehal ni Dr. Helen Ann Tacondong, ang bag-ong gitudlong City Veterinarian kon unsay ilang plano sa  gisugyot nga  clinic.

Matod ni Tacondong  nga sa miagi pang  tuig aprobado  ang budget niini nga mokabat sa P5 milyon  ug ang kulang  mao na lamang ang  luna nga tukuran  niini.

Sumala ni Nacaya  nga  adunay daghang  real estate property  sa dakbayan  ug iyang  girekomendar  ngadto  sa maong hepe  nga  makigtambayayong sa  buhatan sa City Assessor ug  City Legal  aron makapangitaan og  luna nga haom tukuran sa  nahisgutang  pet clinic. (JRGalano/SP)