Pagtukod og hydropower plant nagkinahanglan sa pagtuon - Esparcia

GIKINAHANGLAN og dugang pagtuon ang hangyo  sa First Gen Hydro Power Corporation pagsagop og resolusyon nga walay pagsupak sa laraw niining magtukod og hydropower plant diha’s banda sa Talakag ug Cagayan de Oro River.

Kini ang opinyon sa konsehal atol sa gipahigayong hiniusang tigom sa Komite sa Energy, Environment ug Turismo nga gidumala ni Konsehal Aga Suan sa miaging semana human ang korporasyon mipahigayon og presentasyon mahitungod sa proyekto.

Gipasabot ni Esparcia nga gibati og kabalaka silang  mga sakop sa komite sa posibleng epekto niini  sa Cagayan de Oro River ingon man sa kinaiyahan maong nagkinahanglan kini sa dugang pagtuon.