Pagsuta sa hinungdan sa kalangan sa pahat sa RPT pipila ka barangays gisuportahan ni Konsehal Lim

PABOR si Konsehal Yan Lam Lim, chairman sa komite sa barangay affairs, sa sugyot ni Konsehal Eric Salcedo sa sesyon sa konseho niadtong Lunes nga gidumala ni Bise Mayor Kikang UY nga sutaon ang hinungdan nganong wala pa madawat sa pipila ka barangay ang ilang pahat sa Real Property Teax (RPT) gikan sa syudad.

Gibutyag ni Lim angayan gayud kining sutaon tungod aduna rabay pipila ka barangay nga dugay usab nga gasomite sa ilang mga rekisitos nga posibleng hinungdan sa kalangan.

Matod ni Lim nga mahimo kining subayon sugod sa buhatan sa Finance sa City Hall ingon man sa Commission on Audit (COA) ug Department of Local Interior and Local Government (DILG) kay dili raba gayud mapermahan ang ilang mga papel kon dili sila ka somite sa gikinahanglan rekisitos.

Hinoon gipasabot ni Lim nga hugot niyang gisuportahan ang lakang apan ang iya lang nga masuta ang hinungdan sa pagkalangan labina nga importante kaayo ang pahat sa RPT kay diha usab kohaun sa barangay ang galastohon sa ilang operasyon.