Pagrepaso sa environmental code gitakda sa Marso 31, 2023

TUKION ugmang adlawa, Marso 31, 2023, atol sa tigom sa komite sa environment ni Konsehal Roger Abaday ang sugyot ordinansa nga magpatuman sa Environmental Code sa dakbayan sa Cagayan de Oro.

Kini pinasubay sa Section 458 sa Local Government Code of 1991 nga nagtahas sa konseho pagpanday sa mga balaod nga magproteher sa kinaiyahan ug ma

gpahamtang og multa sa mga kalihukan nga makadaot sa kinaiyahan sama sa pollution, pagguba sa kasubaan ug ecological imbalance.

Kini mag-institutionalize sa City Local Environment and Natural Resources Department (CLENRO) kansang tahas mao ang pagpanguna, pagdevelop ug pag-implementar sa komprehensibong programa sa pagproteher ug pagdumala sa kinaiyahan.

Gipaabot motambong sa tigom aron paghatag sa ilang panahum ug opinyon sila si Konsehal Romeo Calizo, Lourdes Gaane, Yan Lam S. Lim ug John Michael Seno.