Pagpasayon sa paglukat og bldg permit gilantaw

Magtigom karong alas 9:00 sa buntag diha sa hawanan sa konseho ang komite sa public works ni Konsehal John Michael Seno.

Tipik sa tukion sa tigom ang kabag-ohan sa sugyot ordinansa nga nag-amendar sa streamlined guidelines diha sa pag-isyu og building permits ug uban pang aplikasyon nga lukaton sa lokal ug nasyonal nga ahensya sa kagamhanan nunot sa Joint Memorandum Circular (JMC) No. 2019-011.

Ang maong JMC nag-implementar sa lagda ug reglamento sa Akta Republika 11032 kon Ease of Doing Business and Efficient Government Act.

Gipaabot motambong sa tigom aron paghatag sa ilang panahum ug opinion sila si Konsehal Roger Abaday, Girlie Balaba, Jay Pascual ug Malou Gaane.