Pagpangitag solusyon sa pagkapuno sa mga MRF konsidehon sa Komite ni Esparcia

KONSIDERAHON sa umaabot tigom sa Komite sa Climate Change ubos ni Konsehal Bernie Esparcia ang sugyot nga mapangitaan og solusyon kon  mapuno na ang  mga  Material Recovery Facilities (MRF) sa kabarangayan sa syudad.

Mahinumduman  nga sa miaging regular session sa Konseho, ang konsehal  mipahibalo  nga  wala pa gani  giimplementar ang ordinansa kalabot sa No segregation, No collection Policy, ang Barangay Pagatpat  nagsugod   na sa pagpatuman niini sa ilang barangay.

Sumala ni Esparcia nakita niya nga naplastar  gayud ang ilang pagbahin-bahin  sa mga plastic ug botelya  tungod kay maayo  ang  pagka-implementar  apan ang problema niabot ang panahon nga napuno na  sa fertilizer, mga botelya, plastic ug mga ligid   ang ilang  MRF  tungod dugay  man pod dayon  mahalin  ug  maabtan pa ug  bulan hinungdan  siya misugyot nga mapangitaan kini sa solusyon. (JRGalano/SP)