Pagpangandam sa kalamidad gihingusgan sa Brgy Kauswagan

GIHINGUSGAN sa Konseho sa Barangay Kauswagan ang programa kabahin sa pagpangandam batok sa mga kalamidad.Kini human nadawat sa Konseho ubos ni Bise Mayor Rodriguez ang ilang 2025 annual budget.Ang maong annual budget adunay gibana-banang kinitaan ug galastohon balor P62,762,513.00.

Tipik sa mga programa ug proyekto sa barangay mao ang P3.1 milyones alang  sa pagbansay sa pagpangandam ug pagtubag panahon sa kalamidad, search and rescue ug retrieval operations, ug pagpamalit ug mga gamit ug ekipo.

Dako ang paglaum sa Bise Mayor nga kining gipundohan nga mga programa ug proyekto sa Barangay Kauswagan maghatag og dugang kaarangan sa serbisyo nga ilang matunol ngadto sa katawhan.Ang nahisgotang annual budget sa Barangay Kauswagan giduso ni Bise Mayor Rodriguez ug gipaabot nga tukion sa umaabot nga tigom sa komite sa barangay affairs ni Konsehal Yan Lam Lim. (RNQuiblat/SP)