Pagpang apod-apod sa titulo sa lote nagpadayon - Cabanlas

MALIPAYON si Konsehal Edgar Cabanlas, chairman sa komite sa Urban and Rural Poor and Housing Development nga mipahibalo sa katawhan nga nagpadayon gihapon ang Task Force Emancipation nga gilangkuban sa mga nagkadaiyang ahensya sa goberno sa pagproseso sa mga dokumento sa titulo aron nga maapod-apod ngadto sa benepisaryo sa Piso-Piso sa lain laing nga relocation site.

Sumala ni Cabanlas nga mokabat na sa kapin sa 2mil ka mga titulo ang natunol sa mga lehitimong benepisaryo human walay hunong ang paningkamot sa kagamhanang lokal taliwala nga giatubang pa ang pandemya.

Nanghinaot ug nagtoo si Cabanlas nga mapadayon kini nga programa bisan paman og lain na ang sunod nga mamunoan sa syudad kay sibo man kini sa panginahanlan sa mga kabus.

Niini nagpasalamat si Cabanlas sa tanan myembro sa Task Force Emancipation for Piso Piso sa walay hunong nga pagsuporta sa maong programa nga diin ubay-ubay na nga mga kabus sa dakbayan ang nakapahimulos ug napahilona ug dili na matugaw sa ilang pagpanimuyo.